انا شاب مصرى وكنت زماااااااااااااان صغنون ....وياريتنى ماكبرت ولا شوفت اللى شوفته,انا حسيت انى كنت محبوس ف عالم تانى ..معرفش يعنى ايه انترنت ولا سينما ولا اى حاجه خااااااااااااااالص....بس لما كبرت وياريتنى طبعا ماكبرت .عنيا فتحت على بلاوى.
كانوا بيقولولى انى كنت عسل وانا صغير ....اسمر وبكرش!!!!!
وكان عندى لدغه ف لسانى وعيونى ضيقه....يعنى مالاخر فيا العبر...وياريتنى بسكت ولا بعدى حاجه!!
من زمان اوى وانا بستغرب لحاجه غريبه جدا ...هو ليه لما الكهربا تقطع وتيجى بنفرح جدا ونقول هييييييييييييييييه
انما بابا لو غاب ولا ماما وهما جايين بقى مش بنقول هييييييييييييييييه ولا اى حاجه
حتى العيال الصغيرين متعلقين بالتليفزيون والكمبيوتر اكتر من تعلقهم بأهلهم
وانقطاع الحراره عنهم ...اقصد الكهربا(منك لله يااحمد ياحلمى ) بتكون حاجه صعبه جدا بالنسبه ليهم,انا الاسبوع اللى فات اخو واحد صاحبى لسه عنده 8 سنين بيقولى عمو هو انت ليك اكاونت على الفيس بوك!!!! انا كان هيجيلى صدمه عصبيه وقلتله أ أ أ أ أيه؟
قالى اكاونت....!!!
وطبعا عملت فيها دور الهندى اللى جاى زياره لمصر وراجع ف خلال يومين ..وقلتله انت نفسك تطلع ايه لما تكبر ياعسل؟!
عيال ااخر زمن...دانا لحد تانيه ثانوى كنت مفكر ان اللاب توب دا حبوب للبلغم, والاخر زعلت جدا لما عرفت انه مش حبوب
انا بجد مش عارف الوعى المبكر للاطفال دا شىء كويس ولا وحش ...يعنى سلبى ولا ايجابى على مستقبل الاطفال دى
يعنى المفروض يكون طفل عنده 8 سنين وعارف كل حاجه...بس ناقص يقابل بنت الحلال بس؟
ماهو كمان فيه ناس كبيره معندهمش اى وعى خااااااااااااااالص ..طب انا ليا واحد جارى هو دكتور (زميل يعنى ) احم احم المهم
اشترى من بابا عربيه وجه تانى يوم يقوله يابشمهندس لو سمحت فيه حاجه عاوز اسألك عليها قاله اتفضل ..قاله هو الكاسيت دا لما يشتغل بياخد بنزين .. طب بزمتك دا تقوله ايه؟
انا لو مكان بابا هقوله حمره...اقصد يعنى لو العربيه حمره يبقى مش هياخد..بس طبعا بابا مؤدب مينفعش يقول كدا ..وبعد ماهو مشى قلتله شوف الناس ,دكاتره اخر زمن..ازاى يعنى الكاسيت هياخد بنزين ......طالما هو مهدى الصوت
لاقيت بابا بصلى فجأه وتعب من المفاجئه وقالى امشى من ادامى دلوقتى !!!
....وياريتنى فضلت صغير
أنا أولا سعيد ان انا اول من عرف المدونة دي (مدونة حبيبي وصديق عمري)
ردحذفومن زمان وانا بتحايل عليها يعمل مدونة خصوصا علشان ان أنا عارف انه موهوب ايشي رسم وايش شعر وكمان بقي دمه عسل(معرفش كان بيرضع سكر ولا ايه)
وزي معودني دايما بقفشاته الجميلة خرج الموضوع الأول بروح خفيفة وفيها تعجب من حال الولاد الصغننين
بس في رأيي الولاد دول عاوزين بس توجيه ويبقو فل
حبيبي انا بباركلك افتتاح هذه المدونة وعندي احساس انك هتبقي مدون مشهور جدا
كفاية عليك كده اصلا تاخد في نفسك قلم (ههههههههههههههههه)
انا مبسوطة والله من زيارتك ليا وجاية اهو زي ما انت عزمتني
ردحذفوشكرا لزيارتك مدونتي انا اصلي بقالي مدة بدخل انزل كذا بوست ف نفس الوقت واقفل ومش بزور حد كتير
يعني زي ما تقول انقطاع مؤقت شوية
هو التدوين بيجي عليك وقت تحس انك ملكش نفس لكل اللي فية
بس انا علشان الكلام ميرحش من راسي واخلية دايما يبقي ذكري بنشرة بس اكيد هاجي ازورك لما افتح ومبروك عليك المدونة يادكتور
الى اختى
ردحذفmy hope
والله عندك حق فعلا ساعات بييجى وقت مش بفتح خالص ولا بكون عاوز اكتب حاجه
بس انا اهو فتحت وفرحت جدا بزيارتك ليا
ربنا يبارك ف حضرتك يافندم