حوريه

اريد ان اكتب كلمات ليست كالكلمات ...
اريد ان ابعث رسالاتى عبر كل الشرفات...
اريد ان ابكى حتى تمتلىء ارصفة الطرقات..

هى ليست كنساء الجنه...وليست كنساء الارض... لااعرف من اين اتت
روحها تسبح حولى ف كل مكان ....تغتالنى وتريد قتلى كل مساء ...
وجهها قناع تلبسه كل نساء الارض...تحتل جميع لوحاتى ...تحتكر كل كتاباتى

تزداد سعادة عندما يزداد شوقى لها...تزداد نشوة عندما اتحطم امامها كالبلور
نرجسية هى فى قلبها ..نرجسية فى مشيتها.

عجبا للانسان ..يعجب بأشياء وهميه ويخطط احلام ورديه
وياليتها تنتهى هذه الاحلام...................................

هى علمتنى

                                 اليكى يامن انتى اغنية على اوتارى......
                                            اليكى يامن انتى عصفور على اغصانى ...
                                                          اليكى اهدى زهـــــــــــــــــــــــرة....
                                                                  يازهرة يحيا بها بستــــــــــانى ...


الكلام دا كنت كتبته تحت لوحه كنت رسمتها لبنت..من امتى وانا بعرف ارسم ومن امتى وانا بعرف اكتب شعر ولا حتى اقول كلام مزوق؟
انه العشق...هى من علمتنى كيف احب وكيف اشعر بقلبى يدق فى جسدى ,هى من علمنى كيف اتكلم عن الحب بكل احترام وتقدير.
الله عليا وانا رومانسى...والله ياجماعه الواد كويس بس عاوز حد يوجهه على اول الطريق بس!! ماعلينا

زمان مكنتش اعرف يعنى ايه حب ولا شعر ولا كنت فاهم يعنى ايه حد يحب حد لدرجه انه ممكن يوهب حياته له من غير مايحس
وبينى وبينكم ...ولا لحد دلوقتى فهمت يعنى ايه حب ..بس انا لاقيت كل واحد بيكتب كلام رومانسى على المدونه بتاعته
طب اشمعنى انا طه؟

لا بجد كل حاجه حصلتلى ف حياتى كانت ليها اسباب قويه اوى يعنى لما كنت ف اولى كليه كنت بعيد اوى عن اهلى وكنت بقعد لوحدى كتير جداااااااااا   (بالمناسبه كانوا بيقولوا عليا معقد)
ساعتها كتبت شعر ,كان نفسى اتكلم ومش لاقى حد يسمعنى بس كتبت وقلت


                                             بعيدا عن اهلــــــى فقدت زاتـــــــــى 
                                            واحتلت قلبــى الاحزان والاهــــــات
                                             بعيدا عنـــهم وجـــدت نفــــــــــــسى
                                             بعيد بعد النجوم الساطعـــــــــــــات
                                             يمضى عليــــــــا اليــــوم كـــــــأنه
                                             شهر .....لا ,بل سنه من السنواتــ
                                             تدنو منـــــــى الدنيـــــــــا كأنــــها
                                             الغبراء فى سوق الجميـــــــــــلات
                                             ابعدتنى عن اهلـــــــى فواأســـــــفى
                                             علــــى رحيـــل بعـــــــــــيد بلا زاد

وبدأت اكتب كل مااحس انى عاوز اتكلم مع حد....مش معنى كدا انى مكنتش لاقى حد اكلمه لاااااااااااااااااااااااااااااا
دانا كنت بتعاكس كتير والنعمه...بس النفس بقى
بعد كدا عرفت بنت ومن جمالها كان نفسى ارسمها ..مع انى مش رسام  بس اهو ,حاولت وحاولت وحاولت
وفعلا رسمتها ,وكانت لوحه جميله جدا ومن اعز اللوحات اللى قلبى (قبل مااولع فيها) اللوحه مش البنت!!

اللى عاوز اقوله هنا...بجد كل انسان جواه مواهب كتير جدا بس امتى تطلع وفين, بس مش عاوزك تبقى شكلى ,,اوعى تستنى الغربه عشان تحس بحبك لاهلك
واوعى تستنى بنت عشان تحس انك فنان او مضحى هى الدنيا كدا كدا هتعلمك,وساعتها مش هتكون عارف مين كان السبب
               الغربه ولا البنت ولا الدنيا
لما تقرأ كلامى هتقتنع بيه ..بس بعد فتره هلاقيك كاتب مقال وبتقول فيه
                                     
                                                                        هــــــى علمتنـــــــــــــــى

لما كنت صغير

                                                                   
انا شاب مصرى وكنت زماااااااااااااان صغنون ....وياريتنى ماكبرت ولا شوفت اللى شوفته,انا حسيت انى كنت محبوس ف عالم تانى ..معرفش يعنى ايه انترنت ولا سينما ولا اى حاجه خااااااااااااااالص....بس لما كبرت وياريتنى طبعا ماكبرت .عنيا فتحت على بلاوى.
كانوا بيقولولى انى كنت عسل وانا صغير ....اسمر وبكرش!!!!!
وكان عندى لدغه ف لسانى وعيونى ضيقه....يعنى مالاخر فيا العبر...وياريتنى بسكت ولا بعدى حاجه!!
من زمان اوى وانا بستغرب لحاجه غريبه جدا ...هو ليه لما الكهربا تقطع وتيجى بنفرح جدا ونقول هييييييييييييييييه
انما بابا لو غاب ولا ماما وهما جايين بقى مش بنقول هييييييييييييييييه ولا اى حاجه
حتى العيال الصغيرين متعلقين بالتليفزيون والكمبيوتر اكتر من تعلقهم بأهلهم
وانقطاع الحراره عنهم ...اقصد الكهربا(منك لله يااحمد ياحلمى ) بتكون حاجه صعبه جدا بالنسبه ليهم,انا الاسبوع اللى فات اخو واحد صاحبى لسه عنده 8 سنين بيقولى عمو هو انت ليك اكاونت على الفيس بوك!!!!   انا كان هيجيلى صدمه عصبيه وقلتله أ أ أ أ أيه؟
قالى اكاونت....!!!
وطبعا عملت فيها دور الهندى اللى جاى زياره لمصر وراجع ف خلال يومين ..وقلتله انت نفسك تطلع ايه لما تكبر ياعسل؟!
عيال ااخر زمن...دانا لحد تانيه ثانوى كنت مفكر ان اللاب توب دا حبوب للبلغم, والاخر زعلت جدا لما عرفت انه مش حبوب
انا بجد مش عارف الوعى المبكر للاطفال دا شىء كويس ولا وحش ...يعنى سلبى ولا ايجابى على مستقبل الاطفال دى
يعنى المفروض يكون طفل عنده 8 سنين وعارف كل حاجه...بس ناقص يقابل بنت الحلال بس؟

ماهو كمان فيه ناس كبيره معندهمش اى وعى خااااااااااااااالص ..طب انا ليا واحد جارى هو دكتور (زميل يعنى ) احم احم  المهم
اشترى من بابا عربيه وجه تانى يوم يقوله يابشمهندس لو سمحت فيه حاجه عاوز اسألك عليها قاله اتفضل ..قاله هو الكاسيت دا لما يشتغل بياخد بنزين .. طب بزمتك دا تقوله ايه؟

انا لو مكان بابا هقوله حمره...اقصد يعنى لو العربيه حمره يبقى مش هياخد..بس طبعا بابا مؤدب مينفعش يقول كدا ..وبعد ماهو مشى قلتله شوف الناس ,دكاتره اخر زمن..ازاى يعنى الكاسيت هياخد بنزين ......طالما هو مهدى الصوت

لاقيت بابا بصلى فجأه وتعب من المفاجئه  وقالى امشى من ادامى دلوقتى !!!

....وياريتنى فضلت صغير